>

أحد مواقع مجموعة وشوشة الإعلامية

رئيس مجلس الإدارة
محمود إسماعيل
الإشراف العام
أحمد الهواري
ads

وايت نايتس تكشف كواليس القبض على جماهير الزمالك

محمد يحيى
الخميس 13/يوليه/2017 - 06:50 م
الوايت نايتس
الوايت نايتس


كشفت رابطة "وايت نايتس" في بيان لها عن طريقة القبض على عدد من جماهير الزمالك على خلفية أحداث الشغب التي وقعت خلال مباراة فريقها أمام أهلي طرابلس الليبي، في ختام دور المجموعات لبطولة دوري أبطال إفريقيا.

 

وجاء بيان المجموعة كالتالي:

 

"بدون مقدمات لأننا مش في وقت مقدمات وكلام لا هيودي ولا هيجيب.

 

إحنا دلوقتي قدام مأساة حقيقية وكارثة بكل المقاييس، في ٢٣٥ واحد من جمهور الزمالك اتمسكوا بطريقة عشوائية علي خلفية تكسير شوية كراسي وإشعال شماريخ ده غير ال ٢٦ مشجع اللى اتقبض عليهم قبل المباراة واتوجه لهم تهم هزلية لا تمت للواقع بصلة من حيازة تى شيرت مسئ بسبب انه مكتوب عليه ٢٠ شهيد و حيازة استيكر مسئ برضو عليه ٢٠ شهيد !!!!

 

أيا كان السبب اللي خلي المشكلة دي تحصل، سواء عشان غضب بسبب الخروج من البطولة الإفريقية وسوء مستوى الفريق، أو حتي عشان التعنت والعنف الغير مبرر من الشرطة من أول يوم.

 

بداية بحبس أي حد معاه طنبور أو طبله مرورا بحبس أشخاص عشان لابسين تيشيرت مكتوب عليه ٢٠ أو استيكر عليه ٢٠، و نهاية بقفل مدرجات التالته يمين و اللي مفيش أي قانون في الدنيا بيمنع الجمهور يدخل أي مدرج في الإستاد طالما معاه تذكرة.

 

 

حالة الترصد والترقب من أول لحظة موجودة ، و أي فرد منتمي للمجموعة كان متجهز له إنه يتقبض عليه قبل الماتش والقضايا بتاعته جاهزة، لكن الخطة مامشيتيش زي ماكانوا راسمين.

 

 

خلاص هم دلوقتي في المصيدة وأكيد هيستفزوا أما يعرفوا إن أصحابهم إتمسكوا قبل الماتش، مع الإستفزازات والضرب جوه الاستاد هيطلعوا بالصورة اللي تبرر لنا نبيدهم من غير تفكير.

 

 

يا سادة يا كرام في الأول وفي الآخر دي كرة قدم والناس جاية تشجع و تستمتع، لأن اللي عايز يخرب أو ممول وعنده أجنده عنده سكك كتير يسلكها غير مدرجات كرة القدم، اللي بنزورها كل سنة مرة !!!

 

عشان الأوفياء من جمهور الزمالك اللي إتجددلهم ١٥ يوم بالتهم الجاهزة، و أهاليهم و معاناتهم لازم نتكلم و نقول إن ده مش طبيعي وإن مش دي الحقيقة وإن التعامل بالعنف و القسوة دي مش معناها إنك عايز تطبق القانون بالعكس ده أنت أول واحد مش عايز تطبقه ومستفيد من الفوضي و الغضب اللي في الناس، عشان تلاقي مبرر تسجن و تعذب.

 

ليه دايما الجمهور هو اللي بيتعاقب، لكن اللي بيهدد الجمهور بالقتل والحبس، وبيرفع جزمته وبيشتم البلد من كبيرها لصغيرها محدش ييجي جنبه و هو برده الراجل بتاعنا  :)

 

وعلي فكرة الإرهابيين اللي سيادتك حابسهم وعايز تقضي عليهم، رفعوا ماسيج في أول الماتش لإخواتنا الشهداء في رفح ، عشان هم مقدرين مين فعلا اللي بيحمي البلد و مين اللي السلطة هي اللي بتحميه!

 

الحرية لأشرف جمهور في الكون ، الحرية لجمهور الزمالك ، الحرية ل ٢٦١ مشجع !!".

 

 

وايت نايتس تكشف كواليس القبض على جماهير الزمالك

إرسل لصديق

Top