>

أحد مواقع مجموعة وشوشة الإعلامية

رئيس مجلس الإدارة
محمود إسماعيل
الإشراف العام
أحمد الهواري
رئيس التحرير
محمد القاضي

باسم مرسي يكشف مطالبة الزمالك بإلغاء إعارته لسموحة

أحمد جمال
الأربعاء 09/يناير/2019 - 07:38 م
باسم مرسي
باسم مرسي
خرج باسم مرسي مهاجم فريق الزمالك العائد من الإعارة لنادي لاريسا اليوناني عن صمته وكشف عن طلب ناديه لفسخ تعاقده مع سموحة بعد الموافقة على إعارته لنهاية الموسم وقال اللاعب في تصريحات على حسابه على موقع التواصل الاجتماعي تويتر:" تلقيت اليوم اتصال من مسؤول في نادى الزمالك يطالبنى بالرجوع ، قال لي بالنص " عندى ليك مفاجأة" الزمالك عايزك ترجع و تروح نادى تانى بدل سموحة " " احنا اللي اخرنا البطاقة الدولية عشان لو كنت لعبت الماتش مكناش هنعرف نرجعك ".


وأضاف اللاعب :"   بسبب موضوع معين بقيت انا طرف فيه بدون ارادتى ، دلوقتى قدامى اختيار من اتنين الاول انى العب ف الزمالك و المدرب مش عايزنى بالف جنيه في ست شهور ، والاختيار التانى انى انتقل لفريق ترتيبه الاخير ف الدورى، هل انا بعد ما لعبت اربع مواسم ف الزمالك ، حصلنا فيهم على ٥ بطولات و احرزت ٥٣ جول ، دة يكون مصيرى من مسئولين نادى الزمالك ؟!.


وقال اللاعب :"قبل كدة انا مكنتش بطلع اتكلم ، بس الموضوع يوصل ان يتقال ان التاخير بسببى فى موضوع البطاقة الدولية و تشويه سمعتى ان دة بسبب خلاف مادى بينى و بين النادى اليونانى و ده مش صحيح.


وأضاف :" انا عقدى اتفسخ رسمى من الاتحاد اليونانى ، لو مكنش اتفسخ رسمى مكنش يحقلى انى اتمرن مع نادى سموحة.


وقال باسم :" انا فى وقت اقامتى كاملة ف اليونان ، حصلت على ٥ الاف يورو فقط و اتنازلت عن جميع مستحقاتى للزمالك و جددت سنتين اتنازلت فيهم عن ٤ مليون جنيه عشان يوافقوا على احترافى، وعند انتقالي لسموحة جددت سنة على بياض للزمالك.


وأضاف اللاعب:" انا هرجع نادى الزمالك مش لو بالف جنيه لو ببلاش لان شرف ليا انى العب ف نادى الزمالك . مكنتش حابب انى اتكلم رغم اتصال عدة برامج بيا من وقت وصولى للقاهرة لتوضيح عدة امور بمقابل مادى بس انا كنت برفض .


وقال المهاجم :" انا حالياً بعد ما استقريت فى الاسكندرية و نقلت اسرتى و اغراضى و استأجرت محل سكن ، تم ابلاغى انى لازم الغى كل دة و ارجع حالاً يا اقعد ست شهور ف البيت.


يارب الناس الكانت بتتهمنى انى مقصر طول الوقت و بعمل مشاكل تكون الصورة واضحة لهم ، انا طول الوقت بتحط ف مشاكل انا مش سبب فيها،  اسف على التطويل بس كان لازم التوضيح.
باسم مرسي يكشف مطالبة الزمالك بإلغاء إعارته لسموحة
باسم مرسي يكشف مطالبة الزمالك بإلغاء إعارته لسموحة
باسم مرسي يكشف مطالبة الزمالك بإلغاء إعارته لسموحة

إرسل لصديق

توقعاتك لنتيجة مباراة الزمالك وبيراميدز في الدوري المصري؟

توقعاتك لنتيجة مباراة الزمالك وبيراميدز في الدوري المصري؟
Top