أحد مواقع مجموعة وشوشة الإعلامية

رئيس مجلس الإدارة
محمود إسماعيل
الإشراف العام
أحمد الهواري
رئيس التحرير
محمد القاضي

اتحاد الكرة يعلق على جدل النادي المتأهل للكونفدرالية في الموسم الجديد

أحمد محرم
الثلاثاء 10/أغسطس/2021 - 01:16 ص
الكونفدرالية
الكونفدرالية
تحدث أحمد حسام عوض عضو اللجنة المكلفة بإدارة اتحاد الكرة المصري عن اختيار رابع الأندية المتأهلة للبطولات الإفريقية في الموسم الجديد.


وقال :" بقالنا 5 او 6 ساعات في حالة جدل وارتباك مش معروف ايه سببها".


وتابع "هناك لائحة، و بمنتهى الوضوح الأهلي كدة كدة متأهل كبطل دوري الأبطال، الزمالك موجود كوصيف، في المركز الثالث المصري سيتأهل الكونفدرالية ، يتبقى المركز الرابع، وتم خروج نادي سموحة من الحسابات بشكل رسمي".


وأضاف "لو الاتحاد كسب الزمالك هيبقى هو الرابع، لإن في لائحة ان لو معاد تقديم اسماء الأندية المشاركة في البطولة الإفريقية جه ولسة الموسم لم ينتهي فلازم تبعت الأندية بترتيب الوضع في آخر مدة زمنية متاحة لك".


وواصل "الوضع النهائي وفقًا للكاف هو يوم 10 أغسطس وبناء عليه لما تخلص ماتشات يوم الثلاثاء سنقوم بإرسال للكاف من هو صاحب المركز الرابع المنضم للكونفدرالية".


وأردف عوض "وصيف الكأس يتأهل للكونفدرالية في حالة وجود لائحة بتوضح موقف مين هينضم للكونفدرالية، لكن هناك لائحة بالفعل واضحة وصريحة".


واستكمل عضو اتحاد الكرة تصريحاته "كان من مصلحتي اني اخلص الدوري بدري، لكن الموضوع مكنش فيه حلول نهائي، وده بمواقفة الأندية، اللائحة الي ممكن بعض الأندية شايفة انها تظلم فيها هي موافقة عليها، لا اجتهاد في نص، احنا بكرة عندنا وقت لازم نبعت فيها، الكلام عن ظلم او غير ظلم مالهوش اساس من الصحة".


واختتم أحمد حسام عوض تصريحاته "عدم تكافوء ده لو مفيش نص او في نص مش واضح واحنا بنحاول نمعنه بشكل ما، لكن في لائحة ومقدرش اخالف لائحة، دي لائحة من اللجنة السابقة، لا داعي للكلام في الكلام ده".

إرسل لصديق

Top