شريف حازم : أول مرة أشوف فرقة عايزة تخسر 5 علشان تستمتع
أكد شريف حازم مدافع فريق الأهلي السابق أن المارد الأحمر فاز على الزمالك في القمة 133 عن جدارة واستحقاق.
وقال شريف حازم في تصريحاته عبر برنامج اللعيب المذاع على شاشة إم بي سي مصر: «مباريات القمة مبقتش زي الأول بالنسبالي، واللي بيضحكني إني أول مرة أشوف فرقة خسرانة بتقيم أداء الأهلي مع عموتة، وبيقولو إنه لو جامد كان كسب 5، لا ده كسب 2 بس يبقى أي كلام».
وأضاف: «البعض بيقول دفاع الأهلي مش قوي، أو عايز الأهلي يكسبه ويمتعه، طب أعملها إزاي دي!، وأول مرة أشوف فرقة بتخسر وعايزة تستمتع».
كان فريق الأهلي قد فاز بالقمة 133 أمام الزمالك بثنائية نظيفة عن طريق محمد هاني ومنصف بقرار نجوم القلعة الحمراء في إطار الجولة السادسة من مباريات بطولة الدوري الممتاز .
ورفع الأهلي رصيده إلى 16 نقطة في الصدارة، فيما ظل الزمالك في المركز الثالث برصيد 13 نقطة