بعد أزمة الشناوي .. شريف إكرامي : "مصلحة الأهلي فين ؟ "
كشف شريف إكرامي، حارس مرمى بيراميدز ومنتخب مصر السابق، مساء اليوم الإثنين، عن وجهة نظره في أزمة محمد الشناوي، حارس مرمى النادي الأهلي، مع حسام حسن، المدير الفني للمنتخب المصري، عقب استبعاده من قائمة منتخب مصر لمعسكر التوقف الدولي الجاري.
وكتب شريف إكرامي، عبر حسابه على منصة «إكس»: «بعيدًا بقى عن مين قال إيه ومين رد على مين.. في سؤال محتاجين نقف عنده.. اللي بيحصل ده انعكاسه إيه على مركز حراسة المرمى في الأهلي؟».
وأضاف: «طبيعي جداً في الكوره يبقى فيه منافسة، وطبيعي في وقت ما يحصل تسليم للراية من جيل لجيل.. لكن مش طبيعي إن التسليم نفسه يبقى محاط بكل الصراع ده».
وتابع: «وإيه اللي بيحصل لما أسماء الحارسين نفسهم تتحول لأدوات في صراعات بره الملعب؟ إعلام، خلافات، رسائل، حسابات شخصية.. ساعتها هل المنافسة هتفضل جوه الملعب بس؟ ولا كل صدة، كل غلطة، وكل مشاركة هتبدأ تتشاف بأبعاد أكبر من الكورة؟».
أوضح: «طب وعلى المدى البعيد هل ده هيساعد الأهلي يعمل انتقال طبيعي في واحد من أهم المراكز في الملعب؟ ولا هيضر شكل الانتقال نفسه؟».
وختم : «في النهايه، مش السؤال مين هيبقى حارس الأهلي.. لكن وسط المنافسة والصراعات والرسائل اللي بتحصل بره الملعب.. السؤال الأهم مصلحة الأهلي والمركز نفسه، فين في كل ده؟».
