شيكابالا يهاجم معتمد جمال في مباراة الأهلي والزمالك
كشف محمود عبد الرازق شيكابالا، نجم الزمالك السابق، عن أحد الأسباب التي أدت إلى خسارة الفريق الأبيض القمة 133 أمام الأهلي .
وقال شيكابالا في تصريحات عبر برنامج "الكورة مع فايق": "كان قدامنا 25 يوم تعمل فترة إعداد كبيرة. النغمة اللي بنقولها احنا مش جاهزين مش جاهزين".
وأضاف: "25 يوم الواضح إننا معملناش حاجة، في الدقيقة 60 اللاعيبة مش قادرة تشيل رجليها".
وأكمل: "عندنا حاجات إدارية صعبة. عندك عدي الدباغ لاعب مهم راح الصين مع منتخب فلسطين يلعب 3 مباريات ودية، ابعت للاتحاد الفلسطيني إنك محتاج اللاعب وبدل 3 ماتشات يلعب 2 ويرجع".
وتابع: "احنا مغيبين، ما ترجعوا بدري، وقولهم احنا عندنا ماتش القمة ومعملناش كدة. عامل معسكر في العاصمة الإدارية والمفروض ترجع عشان معسكر (قبل القمة) كل لاعب راجع على الفندق بعربيته. ليه مش في أتوبيس يعني؟! مفيش حاجة اسمها كدة".
