زلزال أبو تريكة في الأهلي: "الفرقة بتسد النفس.. واللي خايف على شعره يمشي
أطلق النجم المصري الكبير محمد أبو تريكة، أسطورة النادي الأهلي، تصريحات نارية وصادمة عبر فيها عن غضبه العارم من تراجع مستوى الفريق وأداء بعض اللاعبين في الفترة الأخيرة، معتبراً أن الأزمة تتجاوز مجرد النتائج لتصل إلى مسألة الهوية والروح القتالية.
ووجه أبو تريكة رسالة نارية: "المشكلة مش في النتائج ولا الأداء، المشكلة إن الفرقة بتسد النفس حتى في ماتش الزمالك، ومن أول الموسم الغلط باين وواضح"، مؤكداً أن الأساس في كرة القدم هو بذل الجهد والعطاء بغض النظر عن المكسب أو الخسارة أو شكل الأداء.
وأنتقد الأسطورة بعض العناصر، قائلاً بلهجة قوية: "الغلط هو إن في الكورة اللاعب لازم يهين نفسه، يكسب يخسر، يلعب حلو يلعب وحش، مش مهم.. بس ما يبقاش بخيل بعرقه عشان خايف على الجيل اللي في شعره! ده النادي الأهلي بتاعنا اللي نعرفه، ولما ده يحصل طبيعي ربنا يكافئك بعد كده".
وأضاف منتقدًا تقاعس الجيل الحالي: "الجيل ده ودّى الأهلي الكونفدرالية لأول مرة من زمن، ومطلوب منه السنة دي يعمل كل حاجة عشان يصلح غلطته، رغم إن عندهم إمكانيات، ودي غلطة الجهاز.. هي عمرها ما كانت بالأسامي".
وطالب أبو تريكة بضرورة ثورة تصحيح شاملة، قائلًا: "أدي فرص للعيبة الصغيرة الجعانة، وريح فرقة (محمد الصغير) دي شوية، عشان محدش يحس إنه ضامن مكانه بكل العك والفرفرة اللي بيلعبوا بيها دي".
وتابع مشيراً إلى أن النادي لا يخسر شيئاً بالمجازفة: "كده كده أنت مش خسران حاجة، الكونفدرالية زي قلتها ، وحتى لو خسرت الدوري عادي خسرته قبل كده سنتين وتلاتة ورا بعض، بس هتكسب هويتك ولعيبة صغيرة باين جداً إنها واعدة.. واللي هيلاقي نفسه قاعد، هيشيل الجيل من شعره وهينزل ياكل النجيلة بعد كده".
واختتم أبو تريكة رسالته بتوجيه إنذار شديد اللهجة لإدارة النادي ومجلس الإدارة، مطالبًا برحيل أي مقصر بالقول: "لازم الإدارة تمشي أي لاعب أياً كان اسمه، طالما خايف يعرق في الملعب.. أنت كده مش بتفيدني، أنت بقيت عبء عليا وماتستاهلش تكون في الأهلي!".