رامي صبري : خناقة في غرفة ملابس فاركو سبب رحيل عطية
كشف رامي صبري، المدير الرياضي لنادي فاركو، الناشط في الدرجة الثانية، عن مفاجأة، بشأن مشادة وصلت إلى حد "الضرب" خلال مباراة الفريق أمام مسار.
وقال رامي صبري: "ماتش مسار في مشادة حصلت ما بين لاعب والمدرب المساعد معتز محروس في الملعب".
وأضاف: "بين الشوطين واخدين قرار إن في لاعيبة هتتغير لما أدخل وألاقي أوضة اللبس اتحولت لـ شارع والمدرب المساعد ماسك اللاعب والمدرب بيضرب اللاعب في وشه خناقة في الشارع قلبت خناقة في الشارع، واللاعيبة واقفة في النص بـ تسلك".
وأكمل: "أنا كنت هحاسب اللاعيب، اتقال شتائم والمدرب المساعد قدامي وقدام اللاعيبة يجري يضرب اللاعب في وشه، اثنين مدربين ماسكين لاعب في أوضة اللبس بيضربوه".
وتابع: "ده السبب الرئيسي في رحيله، والأفجر إن المدرب بيقولي بالليل هنعاقب اللاعب إزاي، قولتله وإنتوا تتعاقبوا إزاي؟، قالي معلش يا رامي أصل احنا جهاز قليل الأدب، قولتله مقولتش كدة لكن بأي وش هعاقب اللاعب، وأنت والمساعد ضاربينه".